Hum Aaj bhi kyon skin colour ko itna importance dete hain

Kya ab bhi hum asians skin colour ke peche pagal hain.Kya sanwla ya black skin colour khoobsurat nahin hota.England ki ghulami ki wajah se hum safed rang ko superior samajhte hain.kya safed rang hone bhar se koi khoobsurat ho jata hai.Aaj koi bhi insaan apne liye ladki dekhne jata hai to uski aur uski family ki first preference gori ladki hoti hai.
Aaj jahan Rani Mukhrjee,Bipasha Basu aur kitni hi sanwli ladkiyan successful hain.Wo glamour world mein kamyaab hain ,jahan pehle rang ko bohoot importance di jaati thi.
Agar kisi ke ghar baccha hota hai,to pehla sawal ye pucha jata hai ki wo,gora hai ki nahin.
Hum kab apni ghulami wali mentality se bahar niklenge.Kab hum beauty ko colour ke hisab se dekhna band karenge.Humein apni thinking badalni padegi,varna hum aage nahin badh sakte.
Wo waqt aa gaya hai ki hum apne original colour ko pehchane,jo gehuwna ya sanwla ya gora ya kala kuch bhi ho sakta hai.Aur humein apne rang pe naaz hona chahiye.Jab tak hum apne mein confidence nahin layenge aage kaise badhenge.